قال لي والله والله لو تمسحيها امسح روحكـ‎

جآء خطبني كــ أي شاب جاء يخطب اهله كلموا اهلي

سألنا عنه ووافقت تحدد الموعد المحدد وتزوجت ..

انتهيت وبدت قصة عنآآي !
كنت اشوف زوجي شآآرد ذهنه يسرح كثير ..اذا كلمته يتأخر حتى يرد علي

والا يقول : هااااااه !!
خمنت ان ورى زوجي سالفه ماهي بسيطه يعاملني عادي جدا
مره من المررات كان كالعاده مستلقي وشارد ذهنه ...
ناداني قال : ميـــعاد
طالعت فيه قلت : ميعاد ؟ من ميعاد !!!
قال : هاااااه لالا ولاشي
وحااول يغير السالفه وانا الدم اللي بعروقي نشف هذا اللي كنت خايفه منه زوجي بحياته انسانه غيري !
طيب وانا وش خانتي بحياته ليه تزوجني ؟!
كانت اسأله كثيرة تدور براسي
خليته لين جاء بالليل جات عيني بعينه وعلى طول دموعي نزلت سألته :ليش تخوونني ؟
قال : سالفــه طويله وانتي الحين صرتي زوجتي ومالك بالماضي وقفلي ع الموضوع
قلت : طيب ماضيك مالي فيه لاكن لاتخوونني ترى اكثر شي يوجع المره ويجرحها من زوجها الخيانه !
مارد
كتبت له مسج :
إلى نصفي الثاني
كان وقع طعنتك عليّ مؤلم جداً
وعمق جُرحك بـ صدري موجعاً جداً !
و رغم ذلك مددت يدي لك ليس إحتياجاً أو ضعفاً ،
بل لأني أدرك ماذا تعني كلمة [ العفو عند المقدرة ]

طنشت السالفه وتناسيتها بمزاجي والا انا مانسيتها

بعدها بفتره كان طالع بالصاله مو جايه نوم حسيت فيه استنيته طلع وبعدها بربع ساعه تسحبت وطلعت واسمعه يكلم كان يقول:

والله ياميعاد شيبت وانا بعز شبابي لو تشوفين شعري شيب من الهم

ميعاد انا احبك وابيك وابي اتزوجك ..انتي عارفه ان زوجتي تزوجتها عشان انسى بنت خالي

ويوم حبيتك نسيت بنت خالي ونسيت زوجتي ابيك انتي !!

كنت مصدووومه اسمع وكأني في عالم ثاني طيب ليه يازوجي تسوي فيني كذا انا استاهل منك كذا!!!

رحت لميت كل عفشي ورحت له قلت منت مجبور تحبني ولامجبور تعيشني معاك وانت ماتحبني
بس الظلم انك تعذبني وكأن ماعندي احاسيس ولامشاعر وربي لوكنت اعرف ان بحياتك انسانه ماكان خذتك
ترى الزم ماعلى الوحده كرامتها وانا بحفظ اللي بقى لي من كرامه معك وارووح .

قال : لحظه خل نتفاهم خلاص بسوي اللي تبينه بس لاتروحين

قلت : واللي داخلي كسرته كيف يتصلح ؟!

سامحتُكَ علَى كُل شَيئ ،

و غفرتُ لكَ أن تكُون كَاذِب ، جاحد أو حتّى بخِيل فِي مشاعرك تجاهِي ..

كُنتُ لكَ وحدكَ ! رغم ذلك قبلتُ أن تشاركنِي بكَ نِصف الدنيا ،

إلا [ الخيَانة ] !

منذُ أن وصلنِي نبأهَا و أنَا ألعَن قلبِي حينَ يحاول مسامحتكَ بها ،

و أعجَز عَن تقبّل صدمَة ضِيق عَين روحكَ ..
ربّمَا لأن عَين عمري كَانت قَد إمتلَأتْ بِكَ وكنتُ أظنّ أنّكَ مثلِي !
لَا أن أكُون فِي إحدَى يديكَ بينمَا تبحث اليد الأخرَى عَن غيري ..
سامحتُكَ علَى كُل شَيئ ،
إلاّ أمر إستغفَال قلبِي ! ليسَ بيدِي أن أسامحكَ عليه ،
أو أَن لَا أشعُر بعده أنّك غرِيب عنّي ..
/

جاء اخوي واخذني وكنت حامل بالشهر الرابع تقريبا ..

صارت احداث كثيره بختصرها اني رجعت عشان اللي فبطني

ومره من المرات كنا قاعدين نتناقش فالاسم :

قال اتمنى يجينا بنت

قلت ليه

قال انا ابغى اسميها ميعاد
(واكيد كلكم تعرفون الحين من صارت هــ الميعاد بحياة زوجي )
قلت : مستحيييييييييل
والله ماتسميها لو تموت ماتسميها ميعاد
قال والله مو بكيفك غير اسميها ميعاد
قلت طيب
وصرت افرش سجااادتي وادعي انه مايجيني بنت قلت يارب ارزقني ولد
وووويوم ولدت جاني ولـــــد
فرحت من كل قلبي لانه مارح يقدر يسمي ميعاد
جاني قال بنسمي ريــان
قلت اوكي حلو وسمينااه
عادي انشغلت انا مع ولدي وصرت اشوفه كل الدنيا
واشغلني حتى عن اني انبش ورى زوجي بس مره ذبحن الفضول يوم رجع خليته الين دخل الحمام الله يكرمكم
وشفت جهازه وقلت بفتحه فتحته كنت عارفه رمز الحمايه من كثر ماتخاصمنا عطاني الرمز حق القفل يوم افتح
الرسااايل مالقيت شي
فتحت التقويم والقى رسايل من ميعاد بغيت انجلط
تخيلوووووووووووووو
هي سمت ولدي قال لي والله والله لو تمسحيها امسح روحكـ‎ Frown

قال لي والله والله لو تمسحيها امسح روحكـ‎ Frown

لقيت رساله منها
مكتوب عااادي تسمي ريان ؟
وحصلت رساله من زوجي كلها حاطها بالتقويم
كاتب لها :
كنت اتمنى يجيني بنت اسميها على اسمك عشان اسمي يرتبط مع اسمك الين اموت
بس جاني ولد وسميــــه انتي ..
كان حاط الخلفيه صورة يد وحده لابسه عبايه عرفت انها يدها
لانه فتح الباب وانا ماسكه الجوال
سويت نفسي ماخفت ولاشي قلت له : وبعد حاط يدها خلفيه ؟؟ هذا اللي ناقص
قال : حطي الجوال
قلت :لا بمسحهااا
قااال : والله لو مسحتيييها لاامسح روحك
آآآآآآآآآآآه ناظرته وقلت للدرجه هذي:
شَدّ حِيَلكْ فَيّ " جِرّوحيُ ~
. . . خَلْ هَذآ الجَرحُ | يَكبرّ ..
إجَتهدّ ؛. . . عَذّبَ ليّ رَوحيّ . . !
طِيحّ
. . . مَنّ هَـ العَينْ اكَثرّ ’
/

قلت له : طلقنــــــــــــــــــــــي وروح تزوجها انا تعببببت معاااك ياولد النااااس عذبتني حرام عليك

قسم بالله لايصير فيني شي تراك انت السبب

قال : حرام لاتظلمين ميعاااد تراها طيبه

وترى هي بنت رجااال وقفت معاااي وقفات ماانساها لها

تذكرين يوم رحتي بيت اهلك وانتي حامل

كنت مابرجعك بس ميعاااد كلمتني تبكي ترجتني تقوول لاتطلقها واذا طلقتها مااعرفك ولاتعرفني انا وجودي غلط بينكم
انا اللي انسحب مو زوجتك
وانا اسمع له وجروحي تنزف
وهو يحكيني ودموعه على خده
ييقول أسرتني بطيبتها يوم جيت ارجعك ماكان فجيبي ريال واحد قالت ميعاد
تعال انا عندي الفين حاطتهم من زمان مااحتاجهم الحين خذهم وروح تمشى مع زوجتك وغيروا جو ومسامحتك دنيا وآخره
وانسااني وعيش حياتك مع زوجتك ..
كمل واحس كل كلمه خنجر يزرعه بظهري قال حبيتهااا وهي الحين ماتبيني قالت عش حياتك مع زوجتك وولدك ..
أخذ شماغه ومفتاح السيارة وطلع وقلبي ينزف وعيوني تدمع ولسان حالي يردد :

لا تروح !

هات لي هذي الجروح . .

ادري ماتغلا علي !

: وللاسف تغلى . . عليهم !

هات جرحك

خله لي . .
انا متعوده . . ( طعون )
لاني اصلا من عرفتك
وانا ادري بك
( تخون )

.......

جلست افكر ودموعي تنزل ع خدي مثل الجمر ..تحملته بمافيه الكفايه

حتى اهلي يوم كنت ازعل واروح عمرهم ماعلمتهم بس عشان صورة زوجي

ماتهتز قدامهم جلست اطالع فولدي واضمه وابكي ..يالله حتى ولدي هي اللي سمته

وانا اللي كنت على نياتي قلت اكيد عاجبه الاسم
...
رجع زوجي بالليل كنت بالغرفه ناداني بالصاله عشان ولدي كان نايم
رحت له
قال : خلينا نفتح صفحه جديده
قلت انت طويت كل صفحات عمري انت ربطت ميعاد معي للقبر
انت انسان حقيير قلبك ماهو قلب انت تعيش بصخر جلمود داخلك
وياحسافه على كل شي عطيتك ...
فجأه دق جواله ناظرته قلت رد
واذا انت رجال رد وخلني اكلمها
رديت عليها : قلت لها ارتاااحي انا طالعه من حياته للابد
اشبعي فيه انتي وياه حقيرين وتنفعون لبعض
انا رايحه اعيش بيت اهلي معززه مكرمه بس اخذت لي جروح تكفيني عمر منكم
مارح اسامحك لاانتي ولاهو ..
ولاتفرحين دامه خانني عشانك بيخونك عشان غيرك واوعدك ..
رميت له الجوال قبل حتى مااسمعها اش قالت
قال لها :يالله ميعاد بعدين اكلمك
ناظرته بكل احتقااار ..وطلعت غرفتي ابي اخذ شنطتي جاء عندي
قال: تكفين لاتروحين
قلت : خلاااص انا انتهيت وانا تعبت منك ومنها
قال اجلسي طيب لبكرة احنا الحين اخر الليل
وانا بكرة اوديك قلت طيب عطيته ورقه كنت كاتبتها له ورحت غرفتي انام
َتعبتُ ، ففِي نهايَة الأمر .. أَنَا [ بشَر ]
مهمَا كَانت قُوّتِي وشِدّة تحملّي أمامكَ !
............... ما خطبِي ؟ لكَي ترفضنِي هكذَا كلّمَا أخضعتُ لَكَ قلبِي
ولِمَ كُنتُ أقدّم لَكَ كُل ما أملكه مِنَ المشاعِر ،
......... بينمَا تَزِن أنتَ كُل مَا تعطِينيه مِن أحاسيسكَ !
وأدركَ أنّك آخِر مَن قَد يستوعِب ألمِي حين يقرأنِي
رسائلِي لَا تصِل إليكَ ، ودمُوعِي لَا تصِل إليكَ ، ودعوَاتِي لَا تصِل إليكَ
و آهَاتِي لَا تصِل إليكَ ، و إنتحَابَاتِي لَا تصِل إليكَ ..
................ وَلا شَيئ .. لَا شَيء يخصنّي قَد يهمّكَ
تسخَر منّي الدّنيَا الآن ،
و تخرِج أمَامِي لسانهَا إستهزَاءً بِأننّي قَد أحببتكَ أنتَ ,
........................... بينمَا كُنتَ تعبَثَ بأضلعِي !
الفرق بيني وبينكَ /
هُو أنني كبّرتُ حجمكَ بـ سذاجة بداخلِي ، بينمَا إتّضح ليَ صِغر حجمِي بكَ مؤخرًا !
أعطيتك الفرصَة تلو الفرصَة لإثبَات كونك تستحقني ، ولكنك كنتَ تكسرنِي كُل مرّة .. .
وما عاد يهمّك الآن أمر جبرِي ..
حزينة لأجلكَ ‘
أضعتنِي و أنت تدرِك تمامًا ماهيّة حبّي لك التّي كانت ،
لا تعنِيني الآن ولَن تعنِيني أبدًا ،
شكرًا لَكَ فقط , كَان بإستطاعتكَ أن تسعدنِي ولكنك تعمّدتَ أن تضرب الرّوح بـ فأس خيانتك دائمًا
.............
اليوم الثاني جاااء زوجي يصحيني ماصحيت حااااول ماصحيت كلم الاسعاف وجوا
اخذووني كنت بغيبوبه محد عارف ليييش جلست شهر كامل وانا بالعنايه المركزة لاافتح ولااتكلم ولاادري عن اللي حولي
وربي رحمني من التفكير بميعاد وبخيانات زوجي
اهلي يسألون زوجي وش فيها قال : وربي ماادري راحت تنام ويوم جيت اصحيها ماصحيت
الدكاترة : اكدوا انه انفجر عرق وصار لي نزيف مما دخلني بغيبووبه شهر كامل
تدرون ليه انفجر ..!!
كنت اكتم بقلبي كنت آكل بنفسي كنت اقهر وابكي حتى مااقول لاهلي عن مشاكلي كنت اسكت واسكت واسكت لحد ماانفجر فيني عرق ودخلت غيبوبه
الدكاتره قالوا : نامت وهي متضااايقه ؟
زوجي استحى يرد عليهم وش يقول من يوم أخذتها وانا اصبحها بهم وامسيها بهم
كان درس لزوجي وصفعه تصحيه
كانت غيبوبتي هذي فيها رجعه لي للحياه وكتب لي ربي عمر ثاني
صحيت بعد شهر كامل يوم صحيت حصلت زوجي واقف عندي
مر علي شريط حياتي معاه كرهته ذيك اللحظه لفيت ع الجهه الثانيه
قال : الحمدلله ع سلامتك
قلت : ابي حضن امي ابي احضنها وانسى كل همومي محد يحبني كثرهااا
قال : امك طلعت قبل شوي وقلت لها تروح ترتاح وانا جلست
سكت لاني كنت جد تعبانه
طلعت من الستشفى بعدها ورحت على بيت اهلي ..
كلمني زوجي قال: متى اجي اخذك
قلت : لاكملت خيانتك .. لاعاهدت نفسك ماعاد تشقيني انا وريان بانتظارك ...
//
رجع لي بعد شهر ووجهه شاحب ولونه باهت وشعره كساه الشيب
شفته كسر خاطري نسيت كل اللي سواه فيني فما زلت انا انثى البياض
رجعني ورجعت اعترف انه تغير معاي كثييير صار يحبني اكثر صار قريب اكثر صار يهتم فيني اكثر
تأكدت انه قطع علاقته معاها نهائي
بس ... مازال احيان يغلط ويناديني : ميعاد
مازال مصر لاجانا بنت يسميها ميعاد

ومازالت جروووحي تنــــــــــــــــــــزف

عشت قرابة السنه حياتي الزوجيه شبه هادئه ماكنت اعرف انه الهدوووء اللي يسبق العاصفه
كبر ريان شوي صار هو كل حياتي حسيت انه احلى شي بحياتي من يوم تزوجت
مره كنا جالسين انا وزوجي بعد مانام ريان بالليل ..
حسيت فيه شي لانه كل شوي يناظرني استغربت نظراته ..
طالعني قال : لو اكتشفتي في يوم اني كذبت عليك بشي تسامحيني
طالعت فيه ": قلت لا
قال ليه
قلت لان شوارعك كلها مليانه عتب ومافي موطأ قدم اني اسامحك لااخطيت مره ثانيه
سكت وطالعت فيه لقيته سرررح
قلت له : شوف انا ماسامحتك عشان باقي احبك لا انا عشان ريان سامحتك وانا عشان ريان بأعيش
والا انت من زمااان مت بداخلي
ناظرني قال : ذاك اليوم يوم تنومتي بالمستشفى انتي نمتي متضايقه
قلت : انا من يوم اكتشفت وش انا بحياتك وانا كل يوم انام متضايقه
بس ذاك اليوم كان العيار ثقيل شوي وانت عارف اش صار بذيك الليله مايحتاج اذكرك
قال ايه مايحتاج ادري
ناظرني قال : تحبيني ؟
قلت : لو كنت سألتني هالسؤال اول ماتزوجتك كان قلت لو انك تطلب عيوني بقول ان العمى خيره
بس الحين لا مااحبك
سكت وغصب عني نزلت دموعي قلت :
محمد انت موبس خنتني ولابس جرحتني ولابس ظلمتني انت ذبحتني مير الله كتب لي عمر اعيشه
واتمنى مااندم على اني رجعت سلمتك عمري الثاني
ابتسم لي ابتسامه ماافهمت معنااها
بس تأكدت انه هالانسان مات بداخلي ..
بعد 8 شهووور كنت حامل بطفلي الثاني ..بالشهر السابع .. كنت تعبانه كثير بحملي الثاني
جاني مره زوجي قال : اممم خلاص هالمره انتي سمي حتى لو جات بنت انتي سميها
قلت : اكيد اجل بخليك انت تسمي
قال طيب
يعني الموضوع بالنسبه لك منتهي ؟
قلت : ايه ع بالك بكون غبيه للمره الثانيه
ضحك وطلع
بعدها بأسبوع كان يوم خميس طلع ع صلاة العشاااء والساعه 9 ونص جااء وفتح الباب
دخل وانا اناظر فيه مو مصدقه وصرت امسك ظهري من قوة الالم زوجي لابس البشت الاسود
قال : مها انا اليوم زواجي جيت اسلم عليكم قبل اروح
بآخذ عروستي من القاعه وبسافر اسبوعين وراجع ..
وقتها دنقت راسي حزن حسيت بشتاتي وقتها حسيت نفسي طفل اهله بايعينه
تدروووون دمعة وحده مانزلت مني ضحكت فوجهه قلت
قسم بالله
قسم بالله
ماكنك مودّعني
ولا بتطيح ابد دمعه
ولا قلبي بيوجعني
عساك تروح ماترجع
وبقولك شي واسمعني 0 ( كذا تسمع؟ )
يمين الله
يمين الله
على مثلك ابد ماادمع !!
حاولت اكون قويه وانااا بمووووت من الالم وحسيت ظهري يألمني بقووووووة
جلست ع ركبي
قال : اذا بتروحين لاهلك كلمي اخوك ورووحي لحد ماارجع

قلت :

يـ سَنينيَ!

............ وشَ كثر ضحّيت لَأجلَه !

وِفَ النِهايْة
........... ضحّى ... فينيْ !

آآآآآه ياعمري حسافه . .
قلت روحي :
وهاك شوية جروحي
واعذريني حيل والله
على قلة الكلافه ..!

حاولت اتمسك بالكرسي واوقف لاني كنت تعبانه حيل
قلت اسمعني قبل لاتروح تحرم علي يامحمد بعد اليوم
وانا فعلا رايحه بس لاتنتظر مني ارجع لو اشوفك ميت قدامي
ودامك تزوجت خلاص بعد عن حياتي وعيش حياتك بعيد عني وعن اطفالي

ناظر ساعته قال : اووه تأخرت مع السلامه

قفل الباب وانا اقسم بالله اتوجع واتألم وحسيت اني بموت وماقدرت اتحمل كلمت اخوي قلت له تعباانه
تعال ودني المستشفى
جاء اخوي وكنت في حاله مايعلم فيها الا ربي
وكنت طول الوقت استغفر واقول يااارب هون علي يااااارب ارحم ضعفي يااارب احفظ جنيني ياااارب ان كان محمد ظلمني
فخذ حقي وانا اشوف يااارب حملني من الظلم شي ماطقته ..ياااارب انت وحدك ملاااذي وكنت ابكي ودموعي زي المطر عجزت اروضها
وصلت المستشفى وكشفت علي الدكتورة وقالت المشيمة كانت صغيرة وموية الراس كانت ناقصة عشان كذا الجنين ما كان عارف يتحرك وكان يسبب لي آلام وقالت اني لازم أاطلع ع التنويم
جاني دكتور وفحص دقات قلب البيبي وكانت للأسف ضعيفة وذلك بحكم انه مو عارف يتنفس لأنه موية الراس عنده مو كفاية..
منعوني من الحركه وبعد يومين رجعوا كشفوا لان كان عندهم امل ينتعش الجنين ومااحتاج لولاده مبكرة بعد ساعه رجعوا فحصوا دقات قلب الجنين وللأسف ما كان في أي تغيربعدين جات الدكتورة اتكلمت معي وقالت انه البيبي لازم يطلع من بطني لأنه مو عارف ياخذ نفس
وقالوا اني لازم أعمل فورا عملية قيصرية قبل ما يصير شي للبيبي لا سمح الله

وصاروا يسألون عن ولي امري يبونه يوقع ع العمليه
قلت : مالي ولي الا الله انا اتحمل كامل المسؤليه لاصار لي شي ..زوجي عريس
عضيت ع شفايفي حسره والم قلت : ايه يااااخالد زواج محمد كان قبل امس
ضرب اخوي بيده ع الجدار قال : حقيييييييييييير
بعد ماطلعت ذاك اليوم من المستشفى حكيت اخوي كامل السالفه مع زوجي
وقعت واتخذوا الاجراءات بشكل سريع وطلعوني ولبسوني لبس العمليه وكان اخوي وريان معاي فالممر
ناظرني اخوي ودمعت عينه : قال تقومين بالسلامه شدي حيلك عشان القمور هذا واللي جاي بالطريق
ناظرته قلت : امانه ياخالد اذا صار لي شي ولدي امانه عندكم لاتخلون محمد ياخذه امااانه لاتخلون ميعاد تربيه
امانه لاتحرقون قلبي اذامت قولوا لمحمد تراني زعلانه عليه ووووماني مسامحته ..
كان ريان مع خاله ويناظرني ويبكي يبي يجي عندي يقوول :ماما ماما

ولدت وجبت ولد قمر زي ريان ...

سميته راكان وقعد في الخداج لمدة شهر
.. وطلعت بيت اهلي .. واهلي
طبعا بعد ماعرفوا بزواج زوجي قالوا ماترجعين له ...وانا كنت اساسا مستحيل ارجع له بعد كل شي صار
رجع زوجي من شهر العسل ...جااء ياخذني
مارضيت اقابله وقلت لاخوي يبلغه اني ابغى الطلاق وماابغى غيره
قال قبل اطلقها ابغى اقابلها للمره الاخيره :
لبست حجابي وطلعت له بالمجلس ..قال خلااص تبغين نتطلق ؟
قلت : ايه ولاني ندمانه انا لو ظليت معك بيظل الندم شوكه بحلقي الين اموت
قال: فكري طيب
قلت : افكر!!!!!
افكر بيوم تناديني ميعاد والاافكر بيوم زواجك يوم رحت وانا اتألم قفلت الباب ورحت ولاهميتك
الحين جاي تطلب مني افكر!!!

مستحيل انا ان قلت اكرهك فهي شويه عليك

لمَا تمسّكتَ بدنوْ موقفكَ معِي
وأصرّيتَ على أن تتدحرَج كرة ثلجكَ مِن أعلَى قمّة فِي عيني بإتجَاه الأسفَل ،
لمَا تعمّدتَ أن تكسرنِي إلى الحَد الذّي يخجلنِي الآن من مواجهَة كبريائي ،

لا يهم الآن .. إِن كَان يهمّكَ أَن أغفِر لَكَ ،
إذهَب بإتّجَاه رِيح الغِيَاب
.........................ولا تعُد مهمَا حدث .!
قال : طيب بس سامحيني
قلت : الله لايسامحك لادنيا ولاآخره ..

وطلعت من المجلس ..ماابغى ابكي قدامه ولاابغى ابين اني حزينه على فرقااه
طلعت وكان قدامي ابوي كان متأثر بكل الاحداث اللي صارت لي وبان في وجهه كان مهموووم
ناظرني ودمعت عينه قال :سامحيني يابنتي ماعرفت اعطيك اللي يثمنك
رحت قربت منه حبيته على راسه قلت :
افاااا يابوي تبكي وانا رغم كل ماصار اضحك واهز القاع من تحتي
لاااا يابوي لاياتاج راسي انت مالك ذنب
تكفى لاااشوف دمعتك يبه مكتوب لي من قبل انولد ان بيصير لي كذا وكفايه طلعت بــ احلى اثنين
ريان وراكان وكفايه اني غفرت له اكثر من مره وكان هو مصر في كل مره يخسرني يبه يكفيني انك انت ابوي
ماني حزينه عليه ماني تعبانه من فراقه ..شوفني رفعت راسه وابتسمت له
باسني على جبيني قال: الله يكملك بعقلك يابنتي ..صدق اني عرفت اربي

//
طلقني ..عششت حياتي كان يجي ياخذهم كل خميس يمشيهم ويرجعهم
بديت اعيش بدوا اولادي يكبرون بدت ترجع لي ضحكتي ..
مره كنت طالعه انا وعيالي واخوي نتمشى ..ويوم رجعت وصلنا عند البيت ..
اول مافتحت السيارة ونزلت ..كان عند بيتنا وجه اعرفه زين ..
ناظرني خالد : قال مهااا هذا محمد
يوم نزلت جات عيني فعينه ..
كنت متنقبه وقفت غصب عني حسيت خطواتي ثقيله حسيت الكون بكبره مايوسعني
خطواتي لباب بيتنا كانت ثقيله كنت اسمعه يكلم اخوي خالد يقول :
تكفى بس خلها تسامحني ماني متوفق بحياتي ..زوجتي حملت مره وجانا طفل معاق ماطول ومات
وحملت بعدها مرتين واجهضت والسبب مو معروف تكفى خلها تسامحني ماني متوفق ..ابيها ابي ارجع مها

دخلت بيتنا وبس قفلت باب الحوش وجلست وابكي ...

أيش عندك لي تقوله ؟| جايني وعينك خجوله !!
جاي تطلب مني أسامح ؟! وإنسى كل شي بسهوله
بعد ماقلبي كسرته .. تو بس جيت وذكرته
وجاي تسقي الورده .. لما مات وارتاح بذبوله
|أيش عندك لي تقوله ؟| جايني وعينك خجوله !!
.. بأي ماضي جاي تحكي ! وبأي دمع اليوم تبكي ؟
يعني هو المظلوم ساكت!! وأبتدى الظالم بيشكي ؟
يعني تحسبها دموعك >> بس تكفيني لرجوعك !!
تحسب انك باقي تقدر ؟! .. ترجع لقلبي وتطوله
|أيش عندك لي تقوله ؟| جايني وعينك خجوله !!
اللي يشوفك وانت واقف.. ونظرتك كلها حسايف
لا ماشافك وانت قاسي ؟!؟ زي ماأناا كنت شايف
ماني متشمت في حالك .. روح يكفي ماجرالك، ؟
روح واندم طول عمرك,,, بعرض هالعالم وطوله

جاني اخوي .. وقبل يتكلم .. قلت : الله لايسامحه ليش راجع اش يبغى
انا كل مانسيت جاي يرجع ليه مايرتاح هو الين اموت يعني
قال: مهااا انتي الطيبه تقولين كذاا ؟
قلت : ماعادني طيبه الله لايوفقه لابالدنيا ولابالاخره

دخلت ..وشايله جرووح بقلبي مارجعت حيت الا لما شفته ..
مرت الايام والشهور بعد سنتين ..كنا جالسين بالحوش نتقهوى انا واهلي ..
وشوي الا الجرس يدق ..قام ابوي ..راح يشوف ورجع وهو يحمل نونو بايده ..وشنطه
كلنا طالعنا فيه مستغربين ... بس هو ماكان يناظر الا فيني
نزلت عيني ف الارض ..
قال ابوي : مها تربيــــــن مها . وتكسبين اجر؟؟؟؟
طالعت فأبوي كمل : قال مها ربك غفور رحيم وهالطفله مالها ذنب
مها محمد يقول مابلاقي حد يحب بنتي ولايربيها مثل مها
نزلت دموعي غصب وكل ماقرب مني ابوي عشان يعطيني البنت احس قلبي يسرع بدقته
كانت صغيرره البنت حيل مسكتها ويدي ترجف ..
قال ابوي : ربك يامها ينصر الواحد وهو يشوف لاتتشمتين فحال زوجك زوجته ماتت بعز شبابها بعد ماولدت جاها نزيف حاد وماتت بعد ولادتها بيومين ومابقى له احد
الدنيا دارت فيه وطعنته مثل ماطعنك
والله يامها انه يبكي يقول ياعم تكفى خل مها تسامحني ظلمتها وربي عاقبني
.. قولي الحمدلله على كل حال ..
.....

*ميعاد راحت بخيرها وشرها واسأل الله ان يغفر لها ويرحمها
*محمد ندمان وبيعيش طول عمره ندمان
*مها عايشه حياتها ومبسوطه بأحلى ثلاثه تربيهم
(ريان وراكان ومها )
*سبحان الله بعد ماكان زوجها مصر يسمي ميعاد دارت الدنيا والظروف
وسمى مها بزوجته الاولى شفتوا ربي كيف نصرها

انتهت ....

xحلم بنتx

انتهت بس كل انسان ظالم هذا مصيره، كل انسان تعدى ع حق من حقوق غيره ،كل انسان ظلم طغى ما اقول مصيره مثل هذا لا مصيره من ربي راح يلقاه مهما نسى في الدنيأ ربي ماينسى جزاء الظالم ياخذه بالدنيا والاخرة

هكذآآ انتم يا رجـــــال

إلا الوفــا ماله بقلبكـ بقايا
عند الذي مثلكـ أظن الوفا عيب ..!!!

ادري اصآآبعي مو سوآآ

تدري أمس من القهر قاعد أبكي
وتدري جرحك عن البال ماغاب
أبكي وأتذكرك وأرجع أبكي
ينزاح هم البكا وينفتح للعنا باب
حرام تجرحني وتخون وأنا اللي ماقدرت أشكي
وش جاك مني حتى غدينا مثل الأغراب

اعذرني لو على الفرقا قويت ماتركتي باختياري حل ثاني
كل شي فيه ضحيت ورضيت بس للأسف قلبك بأحاسيسه أناني
جيت لك غيمه من الحب وهقيت اني بلقى بوسط قلبك لي مكاني
والله اني يعلم الله مانويت غير كل خيرولك قلبي دعاني
اعذريني لوعن ايامك سليت وش قلبك لوبغيت اندم عطاني

عافك الخاطر بعلنها رحيل .... مستحيل تكون في قلبي أبد
على ذكرى الوعد كنت لي عالمي وأغلا خليل وكنت أنا وياك
روحين بجسد لكن خيانتك و الايام أعطتني قليل من غلاك اللي بنساه للأبد

حاولت ألعب لعبتك وأظهر بصوره ملاك وألبس ثوب الثعالب حتى اوصل مستواك
أنا موسئ أبد لكن أسلوبك جبرني ألبس آلاف الوجوه حتىأخدع من يخدعني
واذا أنت أذكى مني منك أتعلم الذكاء
أضحك وأكي كذب وألعب أدوار الدهاء

شنهو يعني لو نقص عهدي وخان ماهو أول لا آخر من يخون دام نحيا في زمن ماله أمان
شي طبيعي عشرتي عنده تهون
كان يامكان في ذاك الزمان نبض في قلبي وفي عيوني عيون كان له في أصدق أشعاري مكان

افترقنا وانكسر خاطر وخاطر وانت قلبك مارحم قلب عليل
في عيوني كم ألم خافي وظاهر والرضا في بسمه شفاتك دليل
بالسلامه روح ياخاين وغادر وين ماحبيت وانويت الرحيل
دام قلبك صار عالنسيان قادر القدر محد يرده مستحيل

اتحسبني أنا ميت عليك ؟!!
صدقني تراك غلطان أحبك أنا قلتها صحيح
بس ترى وش كثرها بهالزمان
هي كلمه زيها زي غيرها عند الناس صارت دايم تنقال
اي نعم سمعتها مني اي نعم بس بعد خيانتك
تراني ماأعتبرها الا زله لسان

تمنيت أرحل لعالم عليه الفاتحه تقرأ
ورفض موتي يواجهني
فهل شفتوا جسد ميت رفض يستقله قبره
أنا هذي معاناتي وأظن اللي مضى يكفي

أبشرك جرك ثمن غلطتي فيك ولا أنت ماتجبر على حبك انسان
اليوم لابشكي ولا بندم ابكيك فعلك مضارع بس حبك في خبر كان
على نجاح الدود والفلم أهنيك انا اشهد انك كنت بارع فيه فنان
حطت من يهواك دايم ويغليك

غلطت بحقي وقلت اصبر..... عشان اتجنب التقصير
وقلت أمشي معك لآخر دروبك وانسى موالي
لاني انسان متفهم وعارف كل شي يصير
اسامح من خطى واحسبك بتعدل غلطتك
تمر اوقات احس اني غبي فعلا بلا تفكير
افكر فيك وماافكر بنفسي ولا بحالي
تفضل انصدم قلبي الحنون اجتاحه التغيير
تفضل روح وافهمني انا مابيك ... يالغالي

عذرك تقول : اذا كثر وصلك بينقص من غلاك
يافاهم الدنيا غلط ... هذا عذر بالله عليك
كم قلت لك ياصاحبي: قلبي تعذب من قساك
لاتزيدني كافي قسى ... بس انت زرد الله يهديك
ياللي تظن ان الغلا يزيد لا زدت بجفاك
تاكد اني واحد لاقفيت عنه مايجيك
ماني مثل بعض البشر اترجى واتوسل رضاك
والله لو يجيني موتي من غيبتك ماارتجيك

تضحك على احساس قلبي يوم حبيتك ...... الله يستر عسى ماترقص بموتي

ابتركك للغير منهو يسليك واببتعد وانسى ماضي مسيرك
دامك هويت الغير فالله يهنيك
وانا بعيش اذكر على الدوم خيرك
خلك مع خلك يمكن يراعيك بس لاتجيني لامن خلاك وحب غيرك

تحسب اني بغيابك بذكرك في كل حزه اتندم ... واترجى .... وأعتذر .. وابوس راسك
للأسف كنتي زقاره تنتهي في كل مزه .. وانتهيتي وماطفيتك واختنق غيري وداسك

ماانت لعى خبري تغيرت بالحيل ماهز قول الناس شوف عيني
مثلت دور المحبين تمثيل
روح كمل المشوار الحين دوني
دامه حصل بالوضع يازين تغيير
في عزتي للنفس هجرك يهوني
مابيك دام الناس فيك شاركتني

من حضرتك عشان قلبي تذله ؟!!
أحرجتني بين القرايب ولااحباب
كن الجفا سيف بوجهي تسله
ماكنت اقصر فيك من كثر الاعجاب
يومك تساوي عندي الكون كله
كنت القريب زكلهم كانوا اغراب
حتى القمر لاغاب شفتك محله
خلاص لاترجع ترى خاطري طاب
راح الغلا اللي كنت عايش بظله
روح واعتبرني واحد اذنب وتاب
ماني بثوب تلبسه ثم تمله

لاتنصدم لاقلت انا اليوم مابيك القلب عافك وانتها اليوم دورك
اعميتني بحبك عسى الله يعميك
ورميتني يازين باعمق بحورك
يالله توكل لاتجيني واجيك
يالله حبيبي قوم رتب امورك

انتهينا مابقى شي نقوله لا يضيع الوقت في كثير الكلام
كل منا بين للثاني ميوله الصراحه مااعتقد فيها ملام
ساعه الفقى على اللقا عجوله
انتهينا وانتهى ذاك الغرام فرحتي من خلقت الدنيا خجوله
خل يبقى حبنا باجمل فصوله الفراق المنتظر مسك الختام

أغليهـ .. يعني أعشقهــ ..
أعشقهــ يعني أموت فيهــ ..
يعني أنا ميت مع عشقهــ ..
ومرتبة الشــــرف !!!

سعادتي شوفكــ ..
وبعدكــ عذابي ..
دخيل جرحكــ
ما [[بقى]] للصبر حيــــل ...!

بسألكــ يا حبيبي بعد ذاكــ العنا
ليش مايغار قلبكــ يا حبيبي علي؟؟
إنت واثق بنفسكــ .. أو بحبي أنا؟؟
وإلا هو صار [[حبي]] مايهمكــ بشي ؟؟؟

ظالم وفعلكــ جاوز المعقول
يا حيرة العقــال ..
من بعد اللقاء موصول
قلبكــ لغيري مال ؟
....
...
..
.
إلا الخيانة .. وكل شئ مقبول

حسب علمي تحبيني
وبين قلوبنا ميثاق ..
واذا قصدكــ تثيريني
ليالي البعد ما تنطاق

تسلمي الحلم الأبيض

علي القصه الرائعه

ويعطيك الف عافيه

مو كل الرجال واحد
يا حلم
يعني اصابعك واحد.........لا
فيه من الرجال اكتير طيبين وفيه منهم حرام يعيشو ع الارض

كلمات الشكر تعجز عن تقديم نفسها لكم على
ما كتبته في الموضوع
تقبلي خالص تحياتي
الاسباني

يسلمو ضوء القمر والاسباني اسعدني مرووووركم لكم مني اجمل وارق تحيه

» طالبه عجيبه والله
» من عيون الناس والله اخاف ياعمري عليك
» اغنيه :: والله العظيم واحشني ::2011 حسين زكريا
» اغنية عاصى الحلانى ودريد لحام ومصطفى الخانى - هلا والله يامو
» حصريآآ اغنيه والله لو جابو القمر ما بدي اياه بدي محبوبي الغالي قلبي يهواه .. روعه 2011 تهز هز بصوت جبالي